სურათები

რუკები

პროექტის გეგმა

პროექტის გეგმა პროექტის სახელი : საქართველო და მისი კუთხეები, როგორც მთელი და წილადი პროექტის მოკლე აღწერა: მოსწავლეები გაეცნობიან საქართველოს კუთხეებს, მოიძიებენ მათ ფართობებს, განიხილავენ მათ, როგორც საქართველოს ნაწილებს და წარმოადგენენ წილადის სახით, შეადგენენ ყველა კუთხის რუკას, მათი გაერთიანებით ჩამოაყალიბებენ საკუთარ წარმოდგენას მთელზე და მის ნაწილებზე. მოიძიებენ საქართველოს ყველა კუთხის ფოლკლორულ სიმღერებს. გაავლებენ პარალელებს სიმღერასა და იმ კუთხის ხალხს შორის. გაეცნობიან მათ ტრადიციებსა და წეს-ჩვეულებებს. საკუთარი დაკვირვების შედეგად აღმოაჩენენ საერთოს და განსხვავებულს სხვადასხვა კუთხეებს შორის. გაესაუბრებიან თავიანთ ახლობლებს, მეზობლებს, რომლებიც საქართველოს სხვადასხვა კუთხის წარმომადგენლები არიან. გაეცნობიან მათ კულინარიას და სუფრის ტრადიციებს. ისწავლიან ქვეყნისა და ერთმანეთის სიყვარულს. პროექტის სრული აღწერა: მოსწავლეები დავყავი 4 ჯგუფად. ჯგუფებს ხელმძღვანელებად დავუნიშნე უფროსკლასელები, რამეთუ მათ აქვთ კომპიუტერულ პროგრამებთან და ინტერნეტთან მუშაობის მეტი გამოცდილება. თითოეულ ჯგუფს დავალებული ჰქონდა სხვადასხვა კუთხის პრეზენტაციის მომზადება. I ჯგუფი II ჯგუფი III ჯგუფი IV ჯგუფი კახეთი ქვემო ქართლი სვანეთი გურია მთიანეთი სამცხე-ჯავახეთი რაჭა-ლეჩხუმი აჭარა შიდა ქართლი იმერეთი სამეგრელო აფხაზეთი თბილისი მოსწავლეებს თითოეული კუთხისთვის უნდა მოეძიებინათ ფართობი, წარმოედგინათ წილადის სახით საქართველოს ფართობთან მიმართებაში და აეგოთ დიაგრამა. ასევე, გაეკეთებინათ მოკლე მიმოხილვა ამ კუთხის შესახებ, წარმოეჩინათ მისი ფოლკლორი, ტრადიციები და ღირსშესანიშნაობები. უფროსკლასელების დახმარებით მოსწავლეებმა მოიძიეს ინტერნეტში ინფორმაციები საქართველოს კუთხეების შესახებ, რომელი კუთხე რა ღირსშესანიშნაობებით გამოირჩევა; კუთხეების ფართობების მიხედვით ააგეს დიაგრამები, შეადგინეს რუკები; გაეცნენ თითოეული კუთხის ფოლკლორულ მუსიკას და აღმოაჩინეს მსგავსება ფოლკლორსა და შესაბამისი კუთხის ხალხს შორის; პრეზენტაციას თან დაურთეს ყველა კუთხის შესაბამისი სიმღერა ან ცეკვა. ეს ყველაფერი უფროსკლასელთა დახმარებით წარმოადგინეს საერთო პრეზენტაციის სახით. მათი ჩართულობა ხელს უწყობს სხვადასხვა კლასის მოსწავლეთა ურთიერთ-თანამშრომლობას. ამასთანავე ბავშვები გრძნობენ, რომ უფროსკლასელებიც ეხმარებიან და ზრუნავენ მათთვის, რათა მიიღონ უფრო მეტი ცოდნა და მიაღწიონ წარმატებებს. მოსწავლეთა ასაკი : 10-11-12 წელი ვადები/ ხანგრძლივობა : 2 თვე მოსალოდნელი შედეგები: მოძიებული ინფორმაციისა და უშუალო დაკვირვების შედეგად მოსწავლეები გამოთქვამენ თავიანთ მოსაზრებებს მთელი და წილადი ნაწილების ერთიანობის შესახებ, დიაგრამის სახით ან მათ მიერ შექმნილი რუკებით გადმოსცემენ საკუთარ დამოკიდებულებას საქართველოს - როგორც ერთი მთლიანობის შესახებ, განიმტკიცებენ ჯგუფური მუშაობის უნარ-ჩვევებსა და პრეზენტაციის უნარს. სარგებლობა სხვებისათვის: მოსწავლეები მათ მიერ მოძიებულ და დამუშავებულ მასალებს გამოფენენ სკოლის ბიბლიოთეკაში. სკოლის სხვა მოსწავლეებისათვის მოაწყობენ პრეზენტაციის ჩვენებას. თვითონაც და სხვა მოსწავლეებსაც გაუღვივებენ საქართველოს სიყვარულს. მიხვდებიან, რომ ყველაზე მნიშვნელოვანი ერთად ყოფნა და ერთიანი საქართველოა. პროექტის გეგმასა და მოძიებულ მასალას განვათავსებ ჩემს ბლოგზე, http://kochiashvili.blogspot.com. ბლოგის საშუალებით, დაინტერესებული პირები გაეცნობიან ჩემი მოსწავლეების თვალით დანახულ საქართველოს, მის დღევანდელ პრობლემას, გაეცნობიან მათ მიერ შედგენილ დიაგრამებს და კიდევ ერთხელ გაითავისებენ მათ ნატვრას ერთიან საქართველოზე. სამუშაო ენა: ქართული საგნებთან/საგნობრივ ჯგუფებთან/ ეროვნულ სასწავლო გეგმასთან კავშირი: მათ. V.2. მოსწავლეს შეუძლია წილადების წაკითხვა, გამოსახვა, შეფასება, შედარება და დალაგება. შედეგი თვალსაჩინოა, თუ მოსწავლე: • კითხულობს და გამოსახავს ჩვეულებრივ და შერეულ წილადებს; უთითებს მათ ჩანაწერში წილადის მრიცხველს და მნიშვნელს, მთელ და წილად ნაწილებს; • ადარებს ორ წილადს, მათ შორის წილადის ძირითადი თვისების გამოყენებით; მათ. V.3. მოსწავლეს შეუძლია ნატურალურ რიცხვებზე და ტოლმნიშვნელიან წილადებზე მოქმედებების შესრულება. შედეგი თვალსაჩინოა, თუ მოსწავლე: • ახდენს ერთნაირი მნიშვნელის მქონე მარტივ წილადებზე არითმეტიკული მოქმედებების დემონსტრირებას და მოქმედებათა შედეგის ინტერპრეტაციას მოდელის გამოყენებით (მაგალითად, ნამცხვრის ნაჭრები); საზ. მეც.V-VI. 1. მოსწავლეს შეუძლია რუკების კითხვა და გამოყენება. შედეგი თვალსაჩინოა, თუ მოსწავლე: • ამჟღავნებს რუკების ლეგენდის ცოდნას; • ამოიცნობს საქართველოს მოსაზღვრე ქვეყნებსა და მსხვილ გეოგრაფიულ ობიექტებს; • იყენებს პოლიტიკურ რუკას/ატლასს და ამოიცნობს საქართველოს მხარეებსა და სამხარეო ცენტრებს; • არჩევს და იყენებს საჭირო ინფორმაციას თემატური რუკებიდან. საზ. მეც.V-VI. 2. მოსწავლეს შეუძლია გამოიყენოს და შექმნას ინფორმაციის გადმოცემის სხვადასხვა საშუალება (ცხრილი, გრაფიკი, ფოტო, სქემა, ჩანახატი). შედეგი თვალსაჩინოა, თუ მოსწავლე: • კითხულობს და იყენებს გრაფიკებსა და ცხრილებში მოცემულ ინფორმაციას; • ახდენს სხვადასხვა საშუალებებიდან მოპოვებული ინფორმაციის კლასიფიცირებას; • ერთი ტიპის საშუალებით მოცემულ ინფორმაციას აჯგუფებს ერთი ან ორი ნიშნის მიხედვით; • ისტორიულ ან გეოგრაფიულ ინფორმაციას წარმოადგენს სხვადასხვა საშუალებით. საზ. მეც.V-VI. 3. მოსწავლეს შეუძლია შეადგინოს სქემატური რუკები. შედეგი თვალსაჩინოა, თუ მოსწავლე: • ავსებს საქართველოს კონტურულ რუკებს (რელიეფის ფორმები, ჰიდროგრაფიული ობიექტები, მხარეები და დასახლებები, ხუროთმოძღვრული ძეგლები); • მშობლიური მხარის რუკის შედგენისას მასზე ასახავს აუცილებელ ელემენტებს - სათაური, ლეგენდა, სიმბოლოები, ჰორიზონტის მხარეები. პროექტის ავტორი: თამარ ყოჩიაშვილი პროექტის ავტორის ელ-ფოსტა: kochiashvili.123@gmail.com პროექტის ვებ-გვერდი/ბლოგი: http://kochiashvili.blogspot.com

შეფასების რუბრიკა

კრიტერიუმი მინიმალური საშუალო მაქსიმალური კლასში ჩართულობა ვერ პასუხობს ჩემს მიერ დასმულ ვერც ერთ შეკითხვას პასუხობს შეკითხვებს, რომლებშიც მათემატიკური ცნებების განმარტებებია ყველა შეკითხვაზე ხელს იწევს საპასუხოდ და ჩემს თანხმობაზე სწორად პასუხობს პრაქტიკული მუშაობა წერს მთელის ნაწილს ან აყალიბებს მაგალითის ამოხსნის გზებს, მაგრამ ვერ ხსნის დამოუკიდებლად ჩემი მითითებით ახდენს არითმეტიკულ მოქმედებებს, სჭირდება დახმარება ამოხსნის პროცესში დამოუკიდებლად აკეთებს არითმეტიკულ მოქმედებებს წილადებზე, ხაზავს შესაბამის დიაგრამას მოსწავლის პროგრესი არ არის განსხვავება მოსწავლის ცოდნის დონეში წინა და დღევანდელ გაკვეთილებს შორის შეინიშნება მოსწავლის აქტიურობა და დაინტერესება ახალი მასალით მოსწავლემ წინ წაიწია მიღებული ცოდნის დონეში

გაკვეთილის გეგმა - საქართველო და კუთხეები

გაკვეთილის გეგმა გაკვეთილის მთავარი თემა საქართველო და მისი კუთხეები, როგორც მთელი და წილადი სწავლების საფეხური/კლასი/დისციპლინა ან ინტეგრირებული საგნების დასახელება დაწყებითი საფეხური, V კლ. მათემატიკა, ისტორია (ჩვენი საქართველო), მუსიკა, ისტ-ი მოსწავლეთა პროფილი 22 გაკვეთილის მნიშვნელობა/აქტუალობა მოსწავლემ შეძლოს რაიმე ერთობლიობის ნაწილის გამოსახვა წილადის სახით; გაიცნოს და შეისწავლოს საქართველოს კუთხეები და ისინი ერთ მთლიანობად აღიქვას; ისწავლოს საკუთარი ქვეყნის სიყვარული. გაკვეთილის მიზნები და შედეგები მათ.V.2 - მოსწავლე კითხულობს, გამოსახავს, აფასებს,ადარებს და ალაგებს წილადებს. მათ.V.3 - ასრულებს მოქმედებებს ნატურალურ რიცხვებზე და ტოლმნიშვნელიან წილადებზე. მოსწავლე გაიწაფოს წილადის წაკითხვასა და ჩაწერაში, შეძლოს რაიმე მთელის ან ერთობლიობის ნაწილის გამოსახვა წილადის სახით, მათზე არითმეტიკული მოქმედებების შესრულება და წილადების შედარება; მოსწავლეებმა გაიცნონ საქართველოს კუთხეები ცალ-ცალკე, თავისი ტრადიციებით და ღირსშესანიშნაობებით, მაგრამ მიხვდნენ, რომ მათი უმთავრესი ხიბლი ერთად ყოფნა და ერთიანი საქართველოა. ეროვნული სასწავლო გეგმით განსაზღვრული მისაღწევი შედეგები/ ინდიკატორები მოსწავლეები კიდევ უფრო გაიწაფებიან წილადების წაკითხვასა და ჩაწერაშიგანუვითარდებათ რაიმე მთელის ან ერთობლიობის ნაწილის წილადის სახით გამოსახვის უნარი, ადვილად შეძლებენ ერთობლიობის ნაწილის პოვნას; შეასრულებენ არითმეტიკულ მოქმედებებს წილადებზე, მოახდენენ მათ შედარებას; გაიღრმავებენ წარმოდგენას მთელზე და მის შემადგენელ ნაწილებზე; შეძლებენ საკუთარი დასკვნების გამოტანას. მოსწავლეები გაიცნობენ და შეისწავლიან საქართველოს კუთხეებს და შეძლებენ მათ ერთ მთლიანობაში აღქმას; წანასწარი ცოდნა მოსწავლემ იცის წილადის ცნება და შეუძლია მთელის ნაწილის გამოთვლა. იცის ტოლმნიშვნელიანი წილადების შეკრება-გამოკლების წესი; მოსწავლეებმა იციან, რომ საქართველო შედგება კუთხეებისაგან, რომელთაც განსხვავებული წეს-ჩვეულებები და ტრადიციები აქვთ; მოსწავლეები იცნობენ ქართულ ფოლკლორს და შეუძლიათ ერთმანეთისგან განასხვავონ სხვადასხვა კუთხის სიმღერები და ცეკვები; მოსწავლეები ფლობენ კომპიუტერთან მუშაობის ელემენტარულ უნარ-ჩვევებს, შეუძლიათ კომპიუტერულ პროგრამებთან და ინტერნეტთან მუშაობა. შეფასების საგანი და პროცედურები მოსწავლეებს შევაფასებ გაკვეთილზე ჩართულობით, პრეზენტაციის უნარით და საკუთარი აღქმის უნარის მიხედვით წინასწარ შედგენილი შეფასების რუბრიკით. ასევე შევაფასებ კომენტარებით სასწავლო მასალა და ტექნიკური რესურსები V კლასის მათემატიკის, ჩვენი საქართველოს მუსიკისა და ისტ-ის სახელმძღვანელოები, თაბახის ფურცლები, ფერადი მარკერები, კალმები, მაგნიტური დაფა, კომპიუტერი, პროექტორი, წინასწარ მომზადებული პრეზენტაცია აუდიო მასალებით. პრეზენტაციის მოსამზადებლად გამოყენებული ინტერნეტ-რესურსები: http://ka.wikipedia.org/w/index.php?title=კახეთის_მხარე&oldid=2277459 http://ka.wikipedia.org/w/index.php?title=აფხაზეთის_ავტონომიური_რესპუბლიკა&oldid=2277380 http://ka.wikipedia.org/w/index.php?title=აჭარის_ავტონომიური_რესპუბლიკა&oldid=2237321 http://ka.wikipedia.org/w/index.php?title=გურიის_მხარე&oldid=2273143 http://ka.wikipedia.org/w/index.php?title=თბილისი&oldid=2277758 Imereti.ge — ყველაფერი იმერეთზე Imereti.com — იმერეთის მეგზური http://ka.wikipedia.org/w/index.php?title=იმერეთი&oldid=2199660 http://ka.wikipedia.org/w/index.php?title=მცხეთა-მთიანეთის_მხარე&oldid=2242909 http://ka.wikipedia.org/w/index.php?title=რაჭა-ლეჩხუმისა_და_ქვემო_სვანეთის_მხარე&oldid=2198302 http://ka.wikipedia.org/w/index.php?title=სამეგრელო-ზემო_სვანეთის_მხარე&oldid=2247025 http://ka.wikipedia.org/w/index.php?title=სამცხე-ჯავახეთის_მხარე&oldid=2199877- http://ka.wikipedia.org/w/index.php?title=ქვემო_ქართლის_მხარე&oldid=2236346 http://ka.wikipedia.org/w/index.php?title=შიდა_ქართლის_მხარე&oldid=2265516 www.alazani.ge www.mus.ge გაკვეთილის მსვლელობა/საკლასო მენეჯმენტი გაკვეთილის ხანგრძლივობა - 60 წთ. საორგანიზაციო საკითხები (შესავალი) - 5 წთ. I ჯგუფის პრეზენტაცია - 10 წთ. ჯგუფმა წარმოადგინა კახეთის, მთიანეთისა და შიდა ქართლის მოკლე მიმოხილვა, თავისი ფართობით, იმ კუთხისთვის დამახასიათებელი ფოლკლორით, ტრადიციებით და ღირსშესანიშნაობებით. დაფაზე ფერადი მარკერებით ჩამოწერეს სამივე კუთხის წილობრივი შემადგენლობა საქართველოსთან მიმართებაში. მათ. - ამოცანა-შეკითხვა - მასწავლებელი სთხოვს ყველა ჯგუფს, გამოთვალონ წარმოდგენილი კუთხეების წილობრივი შემადგენლობების ჯამი. ჩვენი საქ. - სხვა მოსწავლეები, რომლებიც უსმენენ პრეზენტატორებს, უსვამენ შეკითხვას. (2 წთ) II ჯგუფის პრეზენტაცია - 10 წთ. ჯგუფმა წარმოადგინა ქვემო ქართლის, სამცხე-ჯავახეთისა და იმერეთის მოკლე მიმოხილვა. მათი წილობრივი შემადგენლობები ფერადი მარკერებით ჩამოწერეს დაფაზე. მათ. – ამოცანა-შეკითხვა - დაასახელეთ წარმოდგენილი კუთხეების წილობრივ შემადგენლობებს შორის ყველაზე მეტი და ყველაზე ნაკლები. ჩვენი საქ. - შეკითხვა. (2 წთ.) III ჯგუფის პრეზენტაცია - 10 წთ. ჯგუფმა წარმოადგინა რაჭა-ლეჩხუმის, სვანეთისა და სამეგრელოს მოკლე მიმოხილვა. მათი წილობრივი შემადგენლობები ფერადი მარკერებით ჩამოწერეს დაფაზე. მათ. - ამოცანა-შეკითხვა - გამოთვალეთ წარმოდგენილი კუთხეების წილობრივი შემადგენლობების ჯამი და შეადარეთ პირველი ჯგუფის კუთხების ჯამს. ჩვენი საქ. - შეკითხვა. (2 წთ.) IV ჯგუფის პრეზენტაცია - 10 წთ. ჯგუფმა წარმოადგინა გურიის, აჭარის, აფხაზეთისა და საქართველოს გულის - თბილისის მოკლე მიმოხილვა. მათი წილობრივი შემადგენლობები ფერადი მარკერებით ჩამოწერეს დაფაზე. მათ. - ამოცანა-შეკითხვა - ჩვენ უკვე ყველა კუთხეს გავეცანით. გთხოვთ წარმოადგინოთ იმ კუთხეების წილობრივი ჯამი, რომლებიც დროებით ჩვენს კონტროლქვეშ არ იმყოფებიან. მათ. - ამოცანა-შეკითხვა - გამოთვალეთ აღმოსავლეთ და დასავლეთ საქართველოს წილობრივი შემადგენლობები. მათ. - ამოცანა-შეკითხვა - ახლა, მე გთხოვთ, ეს ორივე მონაცემი შევკრიბოთ. რას მივიღებთ? ბავშვები ითვლიან ჯამს და თითქმის ერთდროულად და ერთხმად პასუხობენ : - ერთ მთელს. აქ მასწავლებელი ხმამაღლა ასახელებს ყველა კუთხეს და შასაბამისად მოსწავლეებს თავისთან იხმობს. შემდეგ ყველანი ერთად ჩასჭიდებენ ხელებს და ამბობენ: ჩვენ, საქართველოს კუთხეები ერთიანი საქართველო ვართ(4 წთ) 10. შეფასება - 5 წთ.

პრეზენტაცია - საქართველო და კუთხეები